पाचोऱ्यातून वैशालीताई सुर्यवंशी यांची महाविकास आघाडी कडून उमेदवारी घोषीत कार्यकर्त्यांचा पाचोऱ्यात जल्लोष

पाचोरा, दिनांक 23  : शिवसेना-उध्दव बाळासाहेब ठाकरे पक्षाच्या वतीने वैशालीताई नरेंद्रसिंग सुर्यवंशी यांना एबी फॉर्म देण्यात आला असून यामुळे कार्यकर्त्यांनी जोरदार जल्लोष करत यांचे स्वागत केले आहे. यावेळी युवासेना प्रमुख व शिवसेना नेत्यांकडून मातोश्रीवर वैशालीताई सुर्यवंशी यांचे अभिनंदन करून त्यांना शुभेच्छा देण्यात आल्या.पाचोरा विधानसभा मतदारसंघातून महाविकास आघाडीतर्फे शिवसेना-उध्दव बाळासाहेब ठाकरे पक्षाच्या वतीने वैशालीताई नरेंद्रसिंग सुर्यवंशी यांची उमेदवारी ही आधीच मातोश्रीवरून जाहीर करण्यात आली होती. त्यांनी मतदारसंघातील शेवटच्या घटकापर्यंत पोहचून परिवर्तनाचा नारा बुलंद केला असून मतदारांनी याला उत्स्फुर्त प्रतिसाद देखील दिला आहे. दरम्यान, शिवसेना-उबाठा पक्षाच्या वतीने उमेदवारीसाठी आवश्यक असणारा एबी फॉर्म हा वैशालीताई सुर्यवंशी यांना देण्यात आला आहे. याचे वृत्त येताच पाचोऱ्यात पदाधिकारी, कार्यकर्ते आणि शिवसैनिकामध्ये आनंदाचे वातावरण पसरले आहे.दरम्यान, वैशालीताई सुर्यवंशी यांना एबी फॉर्म मिळाला असून पक्षाच्या पहिल्या यादीत त्यांचे नाव आले असुन त्या शुक्रवार दिनांक 25 रोजी भव्य रॅलीसह आपला उमेदवारी अर्ज दाखल करणार आहेत. यासाठी युवासेनेचे प्रमुख आदित्य ठाकरे यांच्यासह महाविकास आघाडीचे नेते, पदाधिकारी, कार्यकर्ते व निष्ठावान शिवसैनिक यांची उपस्थिती राहणार आहे. या रॅलीच्या प्रारंभी भव्य सभा होणार असून नंतर जोरदार शक्ती प्रदर्शन करून उमेदवारी अर्ज दाखल करण्यात येणार आहे. या रॅलीस महाविकास आघाडी नेते, पदाधिकारी, निष्ठावान शिवसैनिक आणि कार्यकर्त्यांसह हजारो नागरिकांची उपस्थिती राहणार आहे.